При апсење на лице од страна на полицијата во Загреб, во станот на приведениот е пронајден миленик долг дури 5,5 метри.

„Акција од зачудувачки димензии во петок навечер! Нашата теренска екипа во своето возило никогаш немала толку голем влекач! Се работи за бурмански питон кој е долг 5,5 метри и тежок околу 50 килограми. Колегите го преземаа по повик од полицијата бидејќи во тек била постапка над неговиот сопственик. Последниве денови се фатија со работа со влекачи кои им застануваат во рацете, но овој пат навистински имаа полни раце работа. Тие не го знаат стравот, но го почитуваат секое, а особено вакво импресивно животно. Затоа нежно го сместија во возилото и го пренесоа во Зоолошката градина во Загреб. Новодојдениот питон и таму предизвика восхит, бидејќи најдолгиот во градината е повеќе од два метри пократок од маркантниот гостин. Утврдено е дека влекачот е со добро здравје и во општа состојба. Сместен е во карантин и ќе остане таму наредните неколку дена додека Зоолошката градина не добие нови инструкции од надлежните институции за нејзиното понатамошно сместување“, објавено е на Фејсбук страницата на Зоолошката градина во Загреб.