Свежите јајца можат да бидат добри за јадење четири или дури пет недели, доколку се чуваат правилно во фрижидер.

Но, ако сте ја фрлиле амбалажата или пак сте купиле домашни јајца и не можете да бидете сигурни колку години имаат, нивната свежина можете да ја проверите на следниов начин.

Секогаш проверувајте ги сите јајца – ако едното е расипало, не значи дека другите треба да се фрлат.

Овој едноставен тест ќе ви покаже колку отприлика се стари јајцата. Земете длабок сад, наполнете го со вода и потоа ставете го јајцето во садот, така што ќе биде целосно покриено со вода.

  • Ако јајцето потоне до дното, се свртело и останало така, тоа значи дека е многу, многу свежо.
  • Ако јајцето тоне, но стои под агол или некаде на средина, тоа е веројатно старо од една недела до две и сè уште е добро за јадење.
  • Ако јајцето плови, тоа е старо и треба да се фрли.

Сличен тест со вода и сол: Растворете две лажици сол во две чаши ладна вода. Ставете го јајцето во вода и доколку потоне – добро е, ако плови – премногу е старо.

Овие тестови се засноваат на фактот дека лушпата од јајцето станува порозна со текот на времето и преку неа влегува воздух. Колку повеќе воздух влегува, толку поголем ќе биде воздушниот меур што се формира помеѓу лушпата и мембраната. Кога станува доволно големо, јајцето може да плови.