Снајперист од Канада, кој наводно бил убиен од Русите, се пријавил од украинското бојно поле.
– Се опоравувам од настинка и за неколку дена се враќам на фронтот. Оваа војна е како да играш шах и да не знаеш кои се другите пиони. Знаете малку, но тоа не е доволно – рекол снајперистот кој заминал да се бори во Украина.
Добро сум нахранет и одморен. Јас последен дознав дека сум мртов. – рекол човекот со прекар Воли за Global News.
Тој рече дека видел вознемирувачки сцени како што се трупови на кучиња застрелани од Русите затоа што лаеле по нив, како и една госпоѓа и нејзината мачка кои немале што да јадат.
– Руските напади се далеку од софистицирани, целиот обид за инвазија е аматерски. Тие ги немаат капацитетите на силите на НАТО, сиромашната земја се огледа во нејзиното оружје – тврди тој.
Канадскиот снајперист доаѓа од елитниот 22-ри кралски канадски полк и има претходно борбено искуство од конфликтот во Кандахар за време на војната во Авганистан помеѓу 2009 и 2011 година, пренесува „Дејли мејл“. Тој е познат како најсмртоносниот снајперист во светот.
Воли во 2017 година се пофали дека го погодил најдолгиот снајперски истрел на светот во Ирак на растојание од 3,5 километри во борбата против ИСИС, а потоа ја демантираше приказната дека бил припадник на единицата JTF2 и бил присутен кога оперативецот на ИСИС беше убиен
Извор: kurir.rs
