Таа го запросила на неговиот 60-ти роденден, а сега, по 6 години брак, парот го очекува своето прво заедничко дете.
Српскиот политичар Предраг Марковиќ (67) и неговата 36 години помлада сопруга Весна се во брак од декември 2015 година, а сега го очекуваат своето прво заедничко дете.
Предраг веќе има еден син од претходниот брак, а српската јавност е изненадена од веста за приновата со оглед на неговата возраст.
Во една пригода за својата свадба парот изјави:
„Еден од условите беше да ја избегнеме јавноста и благодарни сме на сите кои ни помогнаа притоа“.
Интересно е што Весна го запросила него на неговиот 60-ти роденден по полноќ.
„Иако очите и насмевката јасно му говореа, тој ми одговори дури наредното утро. А ако ме прашате зошто јас го запросив него, а не тој мене, по природа сум таква и сакам да се борам за тоа што го сакам.
Кога станува збор за Предраг, по нашата прва средба (на која доцнев 40 минути, како и секогаш, а тој џентлменски ме дочека со насмевка) и тоа од обичен разговор се претвори во судбинска средба, знаев дека тој е тој со кого сакам да го делам животот, и во добро, и во зло“, изјави Весна во една пригода.+
Извор: crnobelo.com
