Амира Вујачиќ, нејзиниот сопруг, двете внуци и свекрвата во петокот по сплет на среќни околности го избегнаа крвавиот напад на нивниот сосед Вук Бориловиќ на Цетиње.
„Во населбата Медовини ги нема пола од моите добри соседи кои загинаа. Сосема невини луѓе. Човекот одеше од куќа до куќа, кого ќе најдеше во својата куќа убиваше – луѓе во фотелји, во кревети. Стари и млади.Тоа траеше околу еден час.Дури дојде до нашите скали за да влезе кај нас.Меѓутоа, полицаецот беше на нашата тераса, бидејќи нашата тераса беше најдобро место за да ја видиш неговата куќа. И полицаецот не спаси… Беа и моите двајца внуци и свекрва и мојот сопруг. А полицаецот успеа да не одбрани. Јас сум денес овде, и моите внуци и целото мое семејство.” изјави таа за ТВ Прва.
Она што се случи во Медовина во петокот попладне не може да се опише, како што рече таа.
„Тоа траеше предолго. Траеше еден час. Кога некој ќе дојде кај неговото семејство, само се слуша лелек, лелек. Од ова тешко или невозможно е да се опоравиме“, рекол Вујачиќ, пренесува Побједа.
Таа за Бориловиќ рече дека е фин дечко.
“Никогаш не можеше да го очекуваш тоа од него. Тој е неколку куќи подалеку, можеби две, од мене. Тој е годиште на мојот син, играа заедно како деца. Од многу добро семејство. Што беше поттик за такво однесување знаат тие-во куќата – мајка му, сопругата, неговите најблиски роднини.Она што е направено е направено, а ако можело малку порано да се реагира, мислам дека можело“, изјави Вујачиќ.
Додека Бориловиќ сееше смрт во соседството, се заклучи во тоалетот со внуците, како што рече, додека нејзиниот сопруг бил на тераса со полицаецот.
informer.rs
