Новак Ѓоковиќ се враќа на терените и ќе се појави на турнирот во Монте Карло. По пауза од речиси два месеци најдобриот играч на денешницата одново ќе заигра тенис.
Во пресрет на натпреварите во кнежевството, 34-годишникот ги откри амбициите за претстојниот период.
„Со нетрпение очекувам повторно да се појавам на теренот, се надевам дека нема да останам на шест натпревари во последните шест месеци. Сакам да се натпреварувам, јасно ми е дека ќе ми треба малку време, а Ролан Гарос е главната цел. Гледајќи ги резултатите, тоа не е подлогата врз која сум најуспешен, иако сум имал голем успех. Освојувањето на Ролан Гарос минатата година е најсвежото сеќавање, а турнирот во Париз ќе ми биде најважен оваа сезона и најголема инспирација“, изјави српскиот ас.
Србинот одново е на врвот на АТП листата, благодарение на лошата форма на Данил Медведев, кој замина на операција и во наредниот период ќе прави пауза.
Извор gol.mk
