Денис Тот и осомничената 19-годишна девојка се познавале од предходно но во средата вечер не дошле заедно во ноќниот клуб. Според информациите на „Телма“ вечерта седеле на различни маси, а притворената била во друштво со првоосмничениот Ангело Ѓоргиевски.
МВР потврди дека вечерта меѓу нив имало расправија.
Според информациите на „Телма“ на снимката од „Сејф сити“ се гледа и дека такси возачот по педесетина метри ќе запре и од него ќе излезат Ѓоргиевски и девојката а тој ќе се замине. Притворените повторно ќе се вратат кај Тот кој сеуште лежи пред дискотеката.
Ниту еден од сведоците на настанот, ниту обезбедувањето во клубот нема да го пријават нападот на 192.
Министерот Спасовски нема информација колку време поминало од претепувањето до неговата хоспитализација во Ургентниот центар од каде што ја добива и пријавата и сеуште без одговор дали истата вечер полициски екипи биле во клубот за да земат изјави од сведоци што секако би влијаело врз содржината на полициската информација што беше објавена во четвртокот.
Извор telma.com.mk
