Познатиот метeоролог Славчо Попоски со најнова временска прогноза за Идол.мк
Продолжува подолгиот период на стабилно, суво и сончево време. Во ноќните, утринските и претпладневните часови по котлините ќе има појава на магла и значителна ниска облачност. Ќе дува слаб ветер од променлив правец.
Температурите во следниот период ќе бидат во ПОРАСТ, особено за врме на викендот и истите ќе бидат НАТПРОСЕЧНО ВИСОКИ за овој период од годината и ќе се искачуваат во интервалот од 7 до 14 степени.
Во најтоплите југоисточни предели температурата можно е да се искачи дури и над 15 степени.
Напомена: Во котлините со магла или ниска облачност температурата ќе остане пониска – вели метеопрогнозерот Славчо Попоски.
ПРВИЧНИ АНАЛИЗИ ЗА ВРЕМЕТО ЗА НОВОГОДИШНАТА НОЌ: Барем отсега гледано, за време на новогодишната ноќ не очекуваме врнежи од снег, а ќе биде и натпросечно топло. Промени во прогнозата и понатаму очекуваме, но какви промени ќе бидат останува да видиме – Следете нè!
