Телото на Милан Лаќа Радуловиќ, кој беше пронајден мртов на улица во Израел, утрово со авион преку Истанбул е донесено во Србија.
Српските медиуми јавуваат дека, таткото на Лаќа, Александар Радуловиќ Фута не сакал обдукција, што претходно го потврди и кумата на Марина, Маријана Петровиќ.
-Што се однесува до обдукцијата, желбата на Фута е тоа да не се прави и не знам сега дали ќе мораме поради причината за смртта. Фута сака веднаш да направи погреб, да го закопа Лаќа во семејниот гроб. Не сака да живее, човекот вели дека не сака повеќе да живее. Што да кажам…, вели Петровиќ.
Инаку, министерот за надворешни работи Ивица Дачиќ претходно изјави дека телото на Лаќа ќе биде донесено во Србија во недела.
– Дозволен е транспорт на телото, но извештајот од обдукцијата не е пристигнат. Се уште немаме информации од што починал, односно која била точната причина за неговата смрт, изјави Дачиќ.
