Најмагичниот ден во октомври е токму денешниов (10.10), а покрај тоа што тој нумеролошки е моќен, денес ќе се случат важни работи кои можат да влијаат на нашата судбина.
Секој месец во годината има по некој т.н. датум огледало. Во октомври, десеттиот месец од годината, тоа е десеттиот ден, а покрај нумеролошката моќ која ја има овој датум, овојпат има уште некои работи кои можат да ни донесат среќа.
Имено, 10 октомври годинава е во понеделник, што значи дека неговата моќ и енергија ќе бидат од големо значење доколку се подготвувате за некаков нов почеток, врска, нова работа, ситни или крупни промени во својот живот, како што се почнување со вежбање, важни одлуки и слично.
Што се однесува до нумерологијата, десетката е број којшто означува надополнување, крај на кругот, момент кога с е во совршена рамнотежа. Доколку тој број се дуплира, како што е 10.10, моќта на броевите е уште поголема, како и вибрациите. Тоа овој ден го прави одличен за манифестација, закон за привлекување, молитви, било што што го применувате во потрага по благосостојба.
Десеттиот ден од октомври е оној во кој завршува метеорскиот дожд Дракониди, кој е активен од 6 до 10 октомври. Тој вообичаено се сметаат за ѕвезди кои паѓаат, а се верува дека дава креативна енергија потребна во животот да се направат некои промени, па дури и оние најмалите, како на пример одлука дека ќе почнете да штедите.
На овој ден Меркур преминува во Вага, што значи дека ќе изгубите и малку од својата сила. Меѓутоа, тоа не е лошо зошто влегувањето во полето на Вагата ќе ни донесе стабилност, спокој, внатрешен мир, а ќе ја олесни и комуникацијата и постигнувањето компромис со другите.