Утре се празнува Светиот великомаченик Георгиј – Ѓурѓиц
На овој ден се празнува преносот на моштите на Св. Георгиј од Никомидија во градот Лида Палестинска, каде што пострада во времето на царот Диоклецијан. Страдањето на овој прекрасен светител е опишано под 23 април. Пред смртта Св. Георгиј го замоли својот слуга да го земе неговото мртво тело и да го пренесе во Палестина, од каде што беше родум и мајка му и каде што имаше голем имот, кој им го раздаде на сиромасите. Слугата така и направи. Во времето на царот Константин во Лида побожните христијани му изградија на Св. Георгиј прекрасен храм и при осветувањето на храмот во него ги пренесоа моштите на светителот и таму го закопаа. Од чудотворните мошти на Св. великомаченик Георгиј се случија големи чуда.
Жените не треба да го прават ова
Во деновите од 16 до 24 ноември од дома ништо не се дава, не се преди волна и не се пере. Жените не се занимаваат со физичка работа, а се верува и дека кројачите и чевларите треба да одмараат.
Кај постарите постои верување дека ако времето за овие денови е магливо, зимата ќе биде маглива и променлива, а ако е ведро, зимата ќе биде силна.
