Родителите на децата убиени во белградското основно училиште „Владислав Рибникар“ на 3 мај денеска се собраа пред училиштето за да го изразат своето незадоволство од начинот на кој државата се однесува кон тоа злосторство, а истовремено потсетија дека не смее да се заборави.
Собирот на родителите беше закажан симболично за 8 часот и 40 минути, време кое тие го препознаваат како момент кога почнало пукањето во училиштето, пренесува Н1.
Родителите изразија незадоволство поради тоа што има голем отпор училиштето да се претвори во меморијален центар.
Тие бараат во училиштето да се изгради достоинствен меморијален центар во чест на деветте ученици и еден чувар кои беа убиени во училиштето на 3 мај.
Откако запалија свеќи пред училиштето, родителите се упатија кон Владата на Србија.
Нинела Радичевиќ, мајка на убиеното девојче од основното училиште „Владислав Рибникар“, порача дека државата мора да се вклучи во настаните околу формирањето на меморијалниот центар во спомен на убиените девет ученици и чуварот.
„Ние не инсистираме да изгледа вака или онака, туку државата мора да почне да се занимава со овој проблем. И токму сега не се занимава со тоа… Целата приказна околу 3 мај се претвора во реално шоу за родителите .Кои сме ние заеднички се расправаме со некој Совет на родители…Навредливо ми е што целиот настан се сведува на тоа ниво.Државата мора да се вклучи и јасно да се изјасни.нека каже ако мисли дека не треба меморијален центар Акцијата е неопходна“, истакна Радичевиќ на протестот на кој родителите на убиените деца побараа да се отвори меморијалниот центар.
„Таму децата треба да бидат безгрижни и тоа да биде безбедно место за нив. Ова место повеќе не е училиште. Местото каде што беа убиени 10 души повеќе не може да биде училиште“, рече Радичевиќ.
Таа нагласи дека Советот на родители или секој што се бори за училиштето – се бори за ѕидовите.
Таа ги повика сите да не се прават дека 3 мај не се случил и да се однесуваат како да не се случил. Тоа најмногу не боли“, нагласи таа.
Радичевиќ истакна дека не сака да се занимава со Советот на родители.
