Израелските одбранбени сили (ИДФ) соопштија дека го разгледуваат тврдењето на бригадите Ал-Касам на Хамас дека 10-месечниот Кфир, кој е најмладиот заложник, неговиот брат Ариел и неговата мајка Шири Силберман-Бибас, наводно биле убиени во Газа.
„Терористичката организација Хамас продолжува да дејствува на суров и нехуман начин“, соопшти ИДФ.
„Претставниците на ИДФ разговараа со членовите на семејството Бибас, ги информираа за тврдењето и во моментов ги следат. ИДФ ја истражува вистинитоста на информациите.
„Одговорноста за безбедноста на сите заложници во Појасот Газа е целосно на терористичката организација Хамас. Хамас ги загрозува заложниците, меѓу кои и девет деца. Хамас е должен веднаш да ги врати во Израел.
„ИДФ, заедно со сите тела, ќе продолжи да го следи семејството Бибас, како и сите семејства на заложниците. ИДФ работи со сите средства, разузнавачки и оперативни, да ги врати киднапираните дома“, наведуваат од соопштението го пренесе „Џерусалим пост“.
Информациите за смртта на најмалиот заложник на Хамас, десетмесечното бебе Кфир, неговата мајка и брат, ги пренесе „The Jewish Chronicle“.
Како што се наведува, военото крило на терористичката организација Хамас ја објавило смртта на најмладиот нивни заложник.
Според извештаите, бригадите Ал Касам тврделе дека во израелски воздушен напад загинале тројца затвореници во Појасот Газа, но овие тврдења се уште не се потврдени.
Претходно оваа недела, ИДФ соопшти дека веруваат дека Кфир и неговиот четиригодишен брат Ариел, наводно, биле одведени во Кан Јунис под контрола на посебна палестинска милитантна група, за која се верува дека е Народен фронт за ослободување на Палестина.
Тетката на 10-месечниот Кфир Бибас, кој е заробен од Хамас заедно со остатокот од неговото семејство, вчера јавно се заложи за нивно ослободување.
Кфир е заложник во Појасот Газа од масакрот на 7 октомври, кога беше киднапиран од Кибуц Нир Оз заедно со неговиот татко Иарден (34), мајката Шири (32) и братот Ариел (4). Кфир имал само 9 месеци кога бил фатен.
