Косата во зима бара многу повеќе нега бидејки времето го поминуваме во загреани простории кои ја сушат нашата кожа, но и коса. Затоа не заборавајте и во студените денови кои се пред нас на грижата за косата.
Неколку корисни совети за нега на косата во зима:
1.Кога и да имате можност, покријте ја главата кога излегувате надвор. Може да користите шал или капа, а идеално би било капатa да има сатенска или свилена постава.
2. Косата е подобро заштитена кога е собрана. Користете шноли и потрудете се и долните делови да ги вметнете во капут или јакна.
3. Во шампонот кој го користите додадете малку масло ( кокосово, маслиново.. ). Истото масло може да го додадете и во регенераторот.
4. Суштина на зимската нега е во одржување на влажноста на косата. Наместо врела, користете топла вода при плакнење на шампонот и регенераторот.
5. Набавете некој појак третман и еднаш неделно направете длабинска нега на косата. Ставете пластична кеса на главата и загревајте со фен.
6. Скратете ги сувите, дехидрирани краеви бидејки веројатноста е поголема постојано да ви се закачуваат за околувратникот на јакната или капутот.
7. Потрудете се во просторијата каде престојувате да има овлажнувач на воздухот или ставете сад со вода на радијаторот или печката.
8. Доколку спаѓате во оние кои ни во зима не ја сушат косата со фен, внимавајте надвор да излегувате само ако косата ви е сосема сува. Деловите кои се малку влажни може да замрзнат и испукаат во тек на движење.
9. Четкањето на косата со четка од природни влакна го распоредува себумот кој кожата на главата нормално го лачи и тоа е одлично во борба против сувата коса.
10. Зголемете го внесот на течности и редовно вежбајте како сите хранливи материи би стигнале до кожата на главата и фоликулите.
