Бидејќи е време на постови, ви споделуваме еден вкусен десерт кој можете да го направите во секое време, но и доколку славите некоја од претстојните слави.
Има многу рецепти за торти со вкус на кафе и чоколада, а оваа е доста едноставна и лесна.
СОСТОЈКИ:
За кори:
3 шолји од 200мл. брашно
3 лажички прашок за пециво
2 шолји кисела вода
3 лажици какао
10 гр. ванилин шеќер
100 гр. шеќер
3 лажици џем
6 лажици масло
1 кесичка инстант кафе
За фил:
2 лажички нес кафе + 50 мл. топла вода
3 лажички шеќер
10 гр. ванилин шеќер
200 мл. кисела вода + 100 гр. шлаг
100 гр. црна чоколада + 3 лажички масло
ПОДГОТОВКА:
Измешајте го брашното и прашакот за пециво, додадете вода и изматете, потоа додадете го шеќерот и матете а потоа додадете го инстант кафето, џемот и какаото.
Смесате поделете ја на 3 дела. Во правоаголем калап ставете хартија за печење и испечете 3 кори. Печете на 180 степени, 15-20 минути.
За фил, изматете 50 мл. топла вода со четири кесички инстант кафе и шест лажички шеќер. Изматете 200 мл. минерална вода и шлаг, па додадете го изматеното инстант кафе и убаво соединете.
Нафилувајте ги сите три кори и оставете ја тортата да се стегне.
Искршете ја чоколадата во чинија и додадете масло и направете глазура. Прелијте ја тортата одозгора па кога глазурата ќе се стегне, отстранете ги страниците од правоаголниот калап. Украсете по желба.
Пријатно!
