Вашиот ден ќе биде многу посреќен откако ќе го пробате овој колач!
Од намирници потребни се:
375 грама брашно,
1 свеж квасец,
2 јаболка,
100 грама шеќер,
2 лажици мешавина од мелен цимет,
каранфилчиња и морско оревче,
15 грама какао,
сол,
2 јајца,
200 милилитри млеко,
100 грама путер.
За филот е потребно:
½ кесичка прашок за пудинг од ванила,
250 милилитри млеко,
3 лажици шеќер,
шеќер во прав.
Подготовка:
Од состојките замесете средно тврдо тесто и оставете го да стасува. Измиените и излупени јаболки ситно исечкајте ги. Стасаното тесто размесете го и додадете ги јаболките. Ставете го тестото во калап за куглоф и оставете го да стасува уште еднаш.
Печете 60-тина минути на температура од 180 степени.
Изладениот куглоф исечете го на три еднакви дела. Со претходно сварениот и изладен пудинг премачкајте ги првиот и вториот дел од куглофот.
Готовиот празничен куглоф наросете го со шеќер во прав, суво овошје ии декорирајте по желба.
