Две лица загинаа откако баржа удри во мост на воден пат во делтата на реката Перл во близина на градот Гуангжу во Кина. Ударот предизвикал уривање на дел од мостот, од кој автомобили паднале во реката, јавија кинеските државни медиуми, пренесува „Асошиејтед прес“.
Администрацијата за поморска безбедност во Гуангжу на својот профил на социјалните мрежи соопшти дека баржата патувала од градот Фошан до јужната област Гуангжу.
Од мостот излегле четири возила и електричен мотоцикл. Две возила, меѓу кои и автобус, паднале во водата, а три други возила завршиле на баржата, соопшти CCTV.
Градските власти испратија спасувачки персонал на местото на настанот, вклучително и шест нуркачи и чамци за спасување, објавија локалните медиуми.
Властите ги истражуваат причините за несреќата, а информациите за жртвите се уште се проверуваат, се вели во соопштението на поморската управа на Гуангжу.
Локалните власти за медиумите изјавиле дека жителите во близина се евакуирани и дека сопственикот на пловилото е приведен.
Rescue operations are in progress following a maritime accident where a container vessel struck a #bridge, resulting in the collapse of part of the bridge deck. Local authority has dispatched six divers and several salvage vessels to the site to aid in the rescue efforts. #China… pic.twitter.com/STYbylnYhI
— Bridging News (@BridgingNews_) February 22, 2024
