Во еден час по полноќ во Сплит, на улицата Мажураниќево шеталиште, 22-годишник бил нападнат од маж кој го прободел во пределот на градниот кош. Повредениот 22-годишен маж со возило на Брза помош бил пренесен во болница, каде од здобиените тешки повреди синоќа починал, извести сплитската полиција, јавува Н1 Загреб.
Јосип Крниќ, раководител на Унифициран ургентен болнички прием на КБЦ, изјави дека 22-годишен маж со тешка убодна рана во пределот на десниот граден кош е донесен на итната медицинска помош без витални знаци. Веднаш почнале со реанимација, по 45 минути го прогласиле исходот фатален.
Ubijen mladić u Splitu, napadač stoji sa nožem iznad tela pic.twitter.com/gLBWBwbr8R
— FantomBeograda (@FantomBeograda) February 25, 2024
Портпаролот на ПУ на Сплит-Далмација Жељка Радошевиќ изјави дека истрагата ја водел дежурниот заменик на Жупаниското државно обвинителство во Сплит и дека полицијата ќе даде повеќе информации за настанот по завршување на истрагата.
Во службените простории се донесени повеќе лица, од кои две се уапсени во врска со убиството, а за нив во моментов се утврдува степенот на кривична одговорност.
