СВР Охрид поднесе кривична пријава против 39-годишниот Ш.К. од Охрид, кој се сомничи за измама.
Според пријавата, осомничениот во својот автосервис повеќе пати примал возила за поправка од граѓани, ветувајќи дека ќе ги отстрани дефектите и ќе направи целосен ремонт.
За ова добивал парични средства, но не ги извршувал договорените поправки во предвиденото време.
Дополнително, тој ги отстранувал исправните делови од автомобилите и ги продавал на трети лица, со што се стекнал со значителна имотна корист на незаконски начин.