Спасувачите и првите што пристигнаа на местото на несреќата беа длабоко потресени од врисоците и повиците на заробените под урнатините на Железничката станица во Нови Сад. Во хаотичната сцена, една тешко повредена жена повикувала по своето дете, а спасувачите настојувале да ја охрабрат и да ѝ дадат поддршка додека ја извлекувале од рушевините.
„Дома имам едногодишно дете! Кажи и на ќерка ми дека мама многу ја сака…“ — ги молела жената спасувачите, додека тие правеле сè за да ја ослободат и брзо да ја пренесат на итна медицинска помош, пренесува Телеграф. Жената, по долг процес на извлекување, била извадена и веднаш пренесена во болница со тешки повреди на рацете и нозете.
Трагичниот момент го потврди и еден од волонтерите на Организацијата за пребарување и спасување на Србија (ОТСС), Драган Бјелиќ, кој бил на теренот. „Бев распоредeн лево од урнатините и разговаравме со жената за да ѝ го одвлечеме вниманието од ситуацијата. Тешко е да се сетам на точно што кажувавме, но важно беше постојано да ѝ зборуваме, да ја бодриме и да ѝ покажеме дека не е сама,“ сподели тој.
