Не стивнуваат реакциите по бруталното убиство на младата Емилија од Штип.
Според податоците од МВР, убиството се случило околу 20:15 часот, кога 25-годишниот Ф.З. од Штип пријавил дека ја убил својата партнерка Е.П. Од полициските службеници, телото било пронајдено веднаш по пријавата.
“Казната, смртна на такви болни луѓе, а не да се шетаат по градот слободни. Сакаше многу да се друже и затоа правеше се за да им угоди на сите, за да ја сакаш. Сакајќи да се друже, еве има луѓе психопати, кои што ја искористија, а брзата помош неколку пати ја донесуваше тепана. Очите сакаа да ги вадат.
Jас не дека сакам да се ослободам он нејзе, ние сме сите мајки сите ние си ги сакаме нашите деца, не дека не ги сакаме, нека слушнат сите социјално, полиција, сите, бидејќи и тие се родители, а за такви луѓе како него има ги многу, да ги приберат, или смртна казна, или во Бардовци нека си лежат. Денеска моето, утре другите, бидејќи секој ден ќе си има жртви, со тепање, убивање, силување” истакна Џемиле, мајката на убиената Емилија.
