Донесе нова шокатна одлука! Таткото на убиецот на малата Данка денеска одлучи да го смени својот адвокат, што е причината?
Радослав Драгијевиќ, осомничен дека му помагал на синот Дејан Драгијевиќ да го сокрие телото на девојчето кое синот Дејан претходно го уби со колегата од водоводот Срѓан Јанковиќ, денеска го известил обвинителот дека сака да го смени својот адвокат, пишуваат порталите.
– Радослав Драгијевиќ побара обвинителството во Зајечар да му обезбеди бранител по службена должност, па јас повеќе не сум негов бранител – изјави Небојша Живановиќ за Република.
Радослав Раде Драгијевиќ се бранеше со молчење во досегашната постапка, а неговата сопруга Светлана Драгијевиќ претходно во интервју за нашиот портал изјави дека веќе му должи 1.000 евра на адвокатот Живановиќ за застапување на нејзиниот сопруг.
Во врска со ова, можно е Драгијевиќ да немаат пари за адвокат, па поради тоа да се укине полномошното на избраниот бранител.
Да потсетиме, мајката на убиецот Светлана Драгијевиќ како сведок била повикана на распит во Вишото јавно обвинителство Заечар каде го искористила законското право да не сведочи со оглед дека осомничениот Дејан е нејзиниот син, а Радослав нејзиниот сопруг.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки на сите индиции и информации ги уапси Срѓан Јанковиќ и Дејан Драгијевиќ од Бор, кои се осомничени дека удриле во девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.
