Вооружените сили на Србија до крајот на месецот до врховниот командант и претседател Александар Вучиќ ќе достават оценка и предлог за враќање на задолжителниот воен рок.
Ова го соопшти началникот на Генералштабот на вооружените сили на Србија, генерал Милан Мојсиловиќ и рече дека ќе се предложи модел на задолжителен воен рок и динамични планови за создавање услови за активирање на обврската.
„Врховниот суд на вооружените сили разработи неколку можни модели на воена служба, со јасно дефинирани позитивни и негативни ефекти, заедно со компаративна анализа според претходно дефинирани критериуми, врз основа на кои беше препознаен и издвоен оптималниот модел. “, изјави Мојсиловиќ за Политика, по повод Денот на српските вооружени сили 23 април.
Но, тој не откри каков е предлогот бидејќи се уште не бил доставен до Вучиќ. Тој посочи дека за враќање на задолжителниот воен рок, што не е само воено прашање, неопходен е поширок општествен консензус.
Досега се шпекулираше дека воениот рок може да трае три месеци, што пред речиси две години го предложи претседателот на Србија, Александар Вучиќ.
(Telegraf.rs)